د انسان لپاره په ۲۴ ساعتونو کې څومره خوب پکار دی

پوهنتون ویب پاڼه

د انسان په ژوند کې خوب ډير اړين ګڼل کيږي، کم خوبي او يا هم ډير خوب کول د انسان وجود ته ډير زيات تاوان رسوي.

د خوب په تړاؤ کابو ټولې موندنې د مناسب خوب ترسره کولو لارښوونه کوي. په يوې تازه څیړنې کې  موندل شوي د ځوان انسان لپاره کم تر کمه ۶ ساعت خوب ډیر اړین دی، له دې کم خوب کول يې په کم خوبۍ کې حسابیږي. کم خوبي انسان کې ډیرې ناروغۍ، د بیلګې په توګه  ذهني، رواني او جسماني پیدا کوي.

د چين فوډان پوهنتون د يوې څيړنې په بنسټ ، ۷ ساعته خوب کول، انسان د هر ډول عصبي فشار (ډيپرېش) څخه ژغوري. ياد پوهنتون دغه څپړنه کې د ۵ سوه زره خلکو څخه  د کم خوبۍ اړوند مالومات راټول کړي، دغه  څیړنه کې د ۴۸۵۰۰ خلکو دماغي پلټنه هم شوې چې موندنې دا ښيي چې انسان لپاره اړین دي چې په ۲۴ ساعتونو کې خپلو خوب باید تر اړینې کچې پوره کړي.

د خوب په تړاؤ یو نړیوال تنظیم www.eossleep.com بشپړ مالومات را ټول کړي چې ستاسي د لا زیاتو مالوماتو لپاره په دې لیکنه کې ځای په ځای کیږي.

• تر ۳ میاشتو کوچنی لپاره منځنی ډول له ۱۴ تر ۱۷ ساعته خوب اړین دی، له دې کم یا ډیر وخت خوب کول يې نا خوښ حالت دی
• له ۴ میاشتو نه تر ۱۱ میاشتو کوچنیان باید په منځني ډول له ۱۲ تر ۱۵ ساعته خوب وکړي، له دې کم یا ډیر وخت خوب کول يې د بدن لپاره نا خوښ حالت دی.
• له ۱ کال نه تر ۲ کلونو کوچنیان باید په منځني ډول له ۱۱ تر ۱۴ ساعته خوب وکړي، له دې کم یا ډیر وخت خوب کول يې د بدن لپاره نا خوښ حالت دی.
•  له ۳ کال نه تر ۵ کلونو کوچنیان باید په منځني ډول له ۱۰ تر ۱۳ ساعته خوب وکړي، له دې کم یا ډیر وخت خوب کول يې د بدن لپاره نا خوښ حالت دی.
• له ۶ کال نه تر ۱۳ کلونو کوچنیان باید په منځني ډول له ۹ تر ۱۱ ساعته خوب وکړي، له دې کم یا ډیر وخت خوب کول يې د بدن لپاره نا خوښ حالت دی.
• له ۱۴ کال نه تر ۱۷ کلونو هلکان باید په منځني ډول له ۸ تر ۱۰ ساعته خوب وکړي، له دې کم یا ډیر وخت خوب کول يې د بدن لپاره نا خوښ حالت دی.
• له ۱۸ کال نه تر ۲۵ کلونو هلکان باید په منځني ډول له ۷ تر ۹ ساعته خوب وکړي، له دې کم یا ډیر وخت خوب کول يې د بدن لپاره نا خوښ حالت دی.
• له ۲۵ کال نه تر ۶۴ کلونو انسانان باید په منځني ډول له ۷ تر ۹ ساعته خوب وکړي، له دې کم یا ډیر وخت خوب کول يې د بدن لپاره نا خوښ حالت دی.
• له ۶۵ کلونو هاخوا عمر لرونکي انسانان باید په منځني ډول له ۷ تر ۸ ساعته خوب وکړي، له دې کم یا ډیر وخت خوب کول يې د بدن لپاره نا خوښ حالت دی.

له منځني ساعتونو نه زیات خوب کول د شکر ناروغي، د زړه ناروغي، په زړه د حملې ناروغي او همدا ډول د مړینې ګواښونه دي او همدا ډول د کم خوبۍ له امله ستړیا، رواني فشار، ځان وژونکي فکر لرل او همدا ډول د بدن دفاعي سیسټم نیمګړتیاوې رامخته کیږي.